Gweithio gyda ni

Cydlynydd Cyfadran

£37,999-£39,105

Parhaol, 37 awr yr wythnos yn lleihau i 18.5 awr yr wythnos 1 Ebrill 2025

Dyddiad cau: Dydd Gwener, 24 Ionawr, 2025 - 11:59pm

Lleoliad:Wedi'i lleoli yn Swyddfa'r Brifysgol Agored yng Nghymru, Caerdydd, ond yn gweithio patrwm hybrid

Y Gymraeg: Ar gyfer y rôl hon, mae'r gallu i gyfathrebu drwy gyfrwng y Gymraeg yn ddymunol

Y Rôl

Mae'r Cydlynydd Cyfadran yn aelod academaidd o'r Gyfadran Lles, Addysg ac Astudiaethau Iaith (WELS) ac yn rhan o dîm y Gwledydd o Staff Gwasanaethau Myfyrwyr, staff academaidd, staff sy'n ymwneud â gwaith academaidd, cydweithwyr gweinyddol a chynorthwyol sy'n gysylltiedig â darparu modiwlau, cymwysterau a rhaglenni proffesiynol Iechyd, Lles a Gofal Cymdeithasol. Bydd y rhan fwyaf o'r gwaith yn cael ei gwblhau yn ystod oriau swyddfa, ond gall gynnwys gwaith gyda'r nos/dros y penwythnos a theithio i swyddfeydd eraill Y Brifysgol Agored os bydd angen. 

Byddwch yn gyfrifol am y gweithgareddau cymorth gweinyddol sy'n gysylltiedig â darparu gwasanaethau i fyfyrwyr a Darlithwyr Cyswllt ar y cyd â chydweithwyr Gwasanaethau Myfyrwyr. Chi fydd y pwynt cyswllt i ddarpar fyfyrwyr a'u cyflogwyr/noddwyr y ogystal â myfyrwyr presennol a'u cyflogwyr a'u noddwyr.

Bydd gennych safbwynt gweithredol ar gynllunio a darparu gwasanaethau, gan ddefnyddio prosesau presennol a chreu prosesau newydd pan fo'n briodol ar gyfer trefnu, monitro, adolygu/adrodd a chysylltu â chydweithwyr yn genedlaethol ac yn ganolog. Bydd eich cyfrifoldebau yn cynnwys pwyslais penodol ar gefnogi rhaglenni proffesiynol y Gyfadran mewn Nyrsio a Gwaith Cymdeithasol.

Bydd disgwyl i chi feithrin a chynnal cydberthnasau gwaith agos gyda Rheolwyr y Gwledydd, Tiwtoriaid Staff, Darlithwyr Cyswllt a staff Gwasanaethau Academaidd ac i fod yn aelod ymrwymedig o nifer o dimau.

Cyfrifoldebau Allweddol

• Cyfrannu at y gwaith o gynllunio, cydlynu a gweithredu penodiadau Darlithwyr Cyswllt/Thiwtoriaid Ymarfer/Addysgwr Ymarfer, hyfforddiant sefydlu a datblygiad staff. Bydd hyn yn cynnwys trefnu cyfweliadau, gweithredu fel aelod o'r panel dethol os oes angen, ac ymgymryd â gwaith dilynol;
• Gweithio gyda Thiwtoriaid Staff lleol, Rheolwyr Clwstwr a thîm Cymorth a Datblygiad Proffesiynol Darlithwyr Cyswllt i drefnu a chydlynu gweithgareddau datblygu Darlithwyr Cyswllt a briffiadau addysgwyr ymarfer, a chymryd rhan ynddynt fel bo angen;
• Arwain y gwaith o Ddyrannu Tiwtoriaid Ymarfer i Fyfyrwyr gyda Gwasanaethau Darlithwyr Cyswllt;
• Creu, rheoli, a datblygu prosesau gweinyddu effeithiol ar gyfer meysydd penodol o waith, o fewn cylch gwaith y cytunwyd arno gyda'r unigolyn.
• Creu'r cyswllt gweinyddol rhwng staff rhanddeiliaid mewnol ac allanol priodol gan gefnogi recriwtio myfyrwyr fel bod prosesau cofrestru'n cael eu rheoli'n effeithiol;
• Darparu data drwy systemau gwybodaeth reoli ar gofrestriadau myfyrwyr, contractau AL yn yr ardal leol ac agweddau eraill ar gyfer y trosolwg yn ôl yr angen;
• Cyfrifoldeb a rennir gyda chydweithwyr dros fonitro ymholiadau gan fyfyrwyr drwy'r system VOICE (system cofnodi myfyrwyr).
• Delio â cheisiadau ac ymholiadau gan Ddarlithwyr Cyswllt yn y broses o ddarparu'r modiwl yn llwyddiannus
• Delio ag ymholiadau anacademaidd gan fyfyrwyr ac ymholwyr, gan roi cyngor ar amrywiaeth o bynciau fel y bo'n briodol, a gydag ymwybyddiaeth o ofynion penodol y rhaglenni proffesiynol;
• Cyfrannu at weithgareddau marchnata a hyrwyddo wedi'u cysylltu â'r Rhaglenni Proffesiynol, h.y adolygu gwefannau rhaglenni penodol, adolygu a diweddaru Llawlyfrau cyflogwr ac ymarfer, trefnu a chyfrannu at sesiynau briffio cyflogwr a myfyrwyr ar gyfer myfyrwyr newydd a myfyrwyr sy'n parhau i astudio.
• Cefnogi cydweithwyr priodol i sicrhau datrysiad addas o gwynion/apeliadau ffurfiol;
• Meithrin cysylltiadau agos a chyfathrebu effeithiol gyda staff canolog a Gwledydd, gan gynnwys Timau Academaidd, Gwasanaethau Academaidd, Tîm Rhaglenni Proffesiynol, Tîm Contractau Darlithwyr Cyswllt, Partneriaethau, Uned Datblygu Busnes; 
• Cefnogi myfyrwyr wrth gyfathrebu'n briodol er mwyn hyrwyddo cadw myfyrwyr a llwyddiant;
• Hwyluso'r broses o rannu gwybodaeth ac arferion da ar draws yr Ysgol;

Sgiliau a Phrofiad

Hanfodol:

• Gradd neu gymhwyster cyfwerth;
• Profiad amlwg o waith gweinyddol mewn cyd-destun addysgiadol;
• Cyfarwydd a hyderus yn defnyddio rhaglenni Microsoft Office, systemau TG y Brifysgol Agored ac Adobe Connect;
• Gallu ardderchog i drefnu a phrofiad o ddefnyddio systemau rheoli gwybodaeth;
• Y gallu amlwg i weithio'n rhagweithiol heb fawr ddim goruchwyliaeth, ar eich menter eich hun a herio prosesau cyfredol yn briodol;
• Profiad o reoli prosiectau gan gynnwys cydlynu a chynllunio tasgau, dylanwadu ar eraill, a sicrhau darpariaeth safonau, cyllideb ac amserlen o ansawdd;
• Y gallu i weithio fel aelod effeithiol o dimau niferus, ynghyd â'r sgiliau cyfathrebu a rhyngbersonol sydd eu hangen i annog cydweithio a chydlynu gwaith cydweithwyr academaidd a gweinyddol a chysylltu'n effeithiol â Darlithwyr Cyswllt;
• Sgiliau cyfathrebu ardderchog a'r gallu i fynegi syniadau yn glir ar lafar ac yn ysgrifenedig, a dadansoddi a dehongli data rhifol;
• Profiad o weithio gyda gwybodaeth gyfrinachol ac ymwybyddiaeth o faterion diogelu data;
• Y gallu i weithio fel aelod o wahanol dimau mewn modd cydweithredol;
• Dealltwriaeth o'r heriau a'r cyfleoedd sydd i'w cael o weithio mewn tîm rhithiwr;
• Y gallu i gefnogi timau gwledydd gyda rhywfaint o deithio i'r ardaloedd hyn ac i Milton Keynes/Nottingham;
• Dealltwriaeth o bolisïau ac arferion cyfle cyfartal Y Brifysgol Agored ac ymrwymiad iddynt;
• Ymrwymiad cadarn i ragoriaeth wrth weithio â phoblogaeth amrywiol o fyfyrwyr;

Dymunol:

• Yn gyfarwydd â dull dysgu'r Brifysgol Agored;
• Ymwybyddiaeth o amrywiaeth anghenion cymorth myfyrwyr;
• Profiad o fod yn rheolwr llinell i staff gyda'r posibilrwydd o gyfrifoldebau rheoli llinell yn y rôl hon;
• Profiad o gadeirio cyfarfodydd.

Sut i wneud cais

Fel rhan o'r broses ymgeisio, bydd disgwyl i chi gyflwyno eich CV a Datganiad Ategol (hyd at 1000 o eiriau) sy'n dangos sut rydych yn bodloni'r meini prawf hanfodol/dymunol a restrir uchod.

Anfonwch eich CV a Datganiad Ategol i careers@open.ac.uk gan ddefnyddio'r teitl: Cais Cydlynydd Cyfadran

Rhowch wybod i ni os hoffech ddefnyddio'r Gymraeg yn y cyfweliad neu unrhyw ffurf arall o asesu. Byddwn yn darparu gwasanaeth cyfieithu o'r Gymraeg i Saesneg os bydd angen.

Caiff trefniadau rhannu swydd a phatrymau gweithio hyblyg eu hystyried.

Rhagwelir y gall trefniant gweithio hybrid gael ei fabwysiadu ar gyfer y rôl hon, lle gall yr ymgeisydd llwyddiannus weithio gartref ac yn y swyddfa. Fodd bynnag, gan fod contract y rôl hon yn cyd-fynd â'n swyddfa yng Nghaerdydd, disgwylir y bydd rhywfaint o bresenoldeb yn y swyddfa yn ofynnol pan fo angen ac mewn ymateb i anghenion busnes. Byddem yn disgwyl y bydd hyn tua unwaith bob chwarter.

Cyflog cychwynnol llawnamser y swydd hon yw £37,999 - £39,105 y flwyddyn, gyda chynnydd posibl i £45,163 y flwyddyn. Bydd ymgeiswyr mewnol sydd eisoes o fewn y band cyflog yn parhau ar eu pwynt presennol ar y golofn gyflog yn unol â'r polisi.

Hysbysiad dyddiad cau cynnar

Efallai y byddwn yn cau'r hysbyseb swydd hon yn gynharach na'r dyddiad cau a gyhoeddwyd os bydd nifer y ceisiadau a dderbyniwyd yn foddhaol. Felly, rydym yn annog ceisiadau cynnar.

I wneud cais am y rôl hon, dylech gyflwyno'r canlynol:

CV a Datganiad Ategol, hyd at 1,000 o eiriau. Yn eich datganiad, dylech egluro pam mae gennych ddiddordeb yn y rôl hon, gan nodi enghreifftiau lle mae eich sgiliau a'ch profiadau yn cyfateb i gymwyseddau gofynnol y rôl hon fel y nodir yn y meini prawf hanfodol a dymunol uchod.

Mae'r Brifysgol Agored yn ymrwymedig i gydraddoldeb, amrywiaeth a chynhwysiant, a adlewyrchir yn ein cenhadaeth i fod yn agored i bobl, lleoedd, dulliau a syniadau. Ein nod yw meithrin amgylchedd amrywiol a chynhwysol fel y gall ein cymuned yn Y Brifysgol Agored gyflawni ei photensial. Rydym yn cydnabod bod pobl wahanol yn cyfrannu safbwyntiau, syniadau, gwybodaeth a diwylliant gwahanol a bod yr amrywiaeth hon yn gryfder. Rydym yn ymdrechu i recriwtio, cadw a datblygu gyrfaoedd cronfa amrywiol o fyfyrwyr a staff, ac yn arbennig yn annog ceisiadau gan bob grŵp heb gynrychiolaeth ddigonol. Rydym hefyd yn anelu at wneud Y Brifysgol Agored yn weithle cefnogol i bawb drwy ein polisïau, ein gwasanaethau a'n rhwydweithiau staff.

Gellir cyflwyno ceisiadau'n Gymraeg, ac ni chaiff cais a gyflwynir yn Gymraeg ei drin yn llai ffafriol na chais a gyflwynir yn Saesneg.